Óvænt úrslit í undankeppni stúlkna fyrir NM í Osló 2008

Nú eru úrslit komin í keppni um sæti á norðurlandamóti stúlkna u-12 ára í Osló sem fram fer helgina 17.-20. apríl nk. Fjórar skvísur kepptu um sætið, þær Hildur Berglind Jóhannsdóttir 1999, Hulda Rún Finnbogadóttir 1996, Sóley Lind Pálsdóttir 1999 og Sonja María Friðriksdóttir 1998. Keppt var í Faxafeninu í dag og tefldar 3 umferðir eða allar við alla og 45 mínútur á mann.

1. umferð: Sonja 0 - 1 Hildur,  Hulda Rún 1 - 0  Sóley
2. umferð: Hildur 1 - 0 Sóley,  Sonja 1/2 - 1/2 Hulda Rún
Þarna voru frekar óvænt úrslit þegar Sonja nær jafntefli á móti Huldu sem hefur þótt sigurstrangleg. Sonja tefldi vel og Hulda varðist ágætlega en augljóst var að mikil spenna var í þátttakendum. Fyrir lokaumferðina kom Guðfríður Lilja færandi hendi með djús, páskaegg og kökur sem gladdi stelpurnar en Hildur sem hefur tamið sér að borða ekki gotterí meðan hún er að tefla, stóðst freistingarnar og fékk sér aðeins topp og brauð!

Ljóst var að Hildur og Hulda sem áttu að tefla saman í síðustu umferð voru báðar mjög spenntar enda dugði Hildi að fá jafntefli til þess að sigra!

3. umferð: Sóley 0-1 Sonja og Hulda 1/2 - 1/2 Hildur.  Þarna voru úrslitin komin en þær tefldu fram á síðasta mann eða þar til tveir einmanna kóngar stóðu á borðinu í hvorum lit! Hildur Berglind Jóhannsdóttir er annar fulltrúi Íslands á norðurlandamóti stúlkna undir 12 ára 2008. Þetta var óneitanlega spennandi og skemmtilegur dagur í Faxafeninu og ljóst að móðirin er afar stolt af sinni skottu. Hins vegar mun Hulda Rún fara ásamt sinni systur á Norðulandamótið á eigin vegum. 

1. Hildur Berglind 2,5 (af 3) vinningar
2. Hulda Rún        2
3. Sonja María     1,5
4. Sóley Lind        0

Nú er móðirin að sjálfsögðu í smá kvíðakasti því Þrekmeistarinn er í húfi. En eftir gleði gærdagsins er alveg ljóst að æfingar munu halda áfram hvort sem keppt verður í apríl eða nóvember!! Ætli það sé mikið mál að flytja þrekmeistarann áfram um eina helgi???????

Athugasemdir

[Sigurlaug Anna Jóhannsdóttir, 24.2.2008 kl. 12:12]

Innilegar hamingjuóskir til ykkar frá okkur.  Glæsilegur árangur

Held samt í vonina um skemmtilega helgi á Akureyri

[Hildur... (IP-tala skráð) 24.2.2008 kl. 14:57]

Innilega til hamingju fjölskylda :o)   Ég held að það sé ekkert mál að flytja þrekmeistarannnnnn um eina helgi ;)

[Ásta (IP-tala skráð) 25.2.2008 kl. 13:59]

Til hamingju með Hildi Berglindi og litla 15 ára afmælisbarnið!  Jú hva auðvitað getur ekki verið mikið mál að færa þrekmeistarann! Svo öfunda ég þig nú af kfum og k fundinum sem þú varst á. Ég hef ekki farið í hundrað ár og á mjöööög erfitt með að trúa því að ég dragi frænda þinn nokkurn tíman þangað! Gott hjá Hildi að geyma nammið, vel upp alin stelpan:D

kv Ásta