Næturæfing

Já það kom að því! Ég mætti á næturæfingu kl. 6.30 í nótt. Var meira að segja mætt rétt fyrir hálf en þegar ég hoppaði út úr bílnum fattaði ég að ég var skólaus, þe. íþróttaskólaus! Lítið að annað í stöðunni en að bruna til baka og sækja kvikindin. Elín Edda var vöknuð og komin á fætur og fylgdi móður sinni til dyra þegar ég kvaddi hana lagði ég frá mér skóna svo þess vegna lenti ég í þessum hremmingjum! Nú þegar ég loksins kom 8 mínútum of seint var helvítið að hefjast. Fjórar æfingar hver í átta lotum 20 sek og hvíld í 10 sek. Æfingarnar voru súperfroska-armbeygjur, fótalyftur, bekkpressa m. 30 kg og hoppa jafnfætis upp á 3 æfingapalla (sem ná mér yfir hné). Reyndar gat ég ekki tekið þetta í einum rykk þar sem stóð á oddatölu og æfingin gerð tveir saman. Svo ég gerði fyrstu þrjár og svo varð ég að bíða yfir meðan fótalyfturnar voru gerðar þar sem aðeins ein grind er á staðnum sem hægt er að hanga í.

Þetta var verulega erfitt og þá sérstaklega þar sem það var enn nótt! Þegar heim var komið biðu mín brosandi andlit sem biðu eftir morgunmatnum sínum. En svona rétt til þess að ég héldi meðvitund ákvað ég að skella í mig morgunmat áður en ég byrjaði að mata ungann!

Nú verður hvílt fram á laugardag.........

Athugasemdir

[Ásta (IP-tala skráð) 25.3.2008 kl. 20:31]

Æ maður verður bara þreyttur á að lesa þetta... sér í lagi þar sem æfingar hafa verið 0 síðustu vikurnar á þessum bæ! Þú ert hins vegar alltaf sama hetjan að standa í þessu. Vonandi runnu páskaeggin ekki svo vel niður að þú hafir ekki komist á æfingu síðan?

knús Ásta

[Edda (IP-tala skráð) 25.3.2008 kl. 21:50]

Ekki einn súkkulaðibiti af páskaeggi inn fyrir mínar varir! Þó smakkaði ég 3-4 karamellur úr einhverju egginu....